大隻佬

有人話睇唔明大隻佬; 又有人話見到張柏芝個死人頭好驚; 劉德華又煞有介事的講大隻佬不過是講'善有善報、惡有惡報', 牛頭角順嫂式的坊間智慧; 又有人話導演大講佛偈, 參悟人生.......

作者已死, 你想點睇就點睇。我就話大隻佬係杜琪峯後九七凝鍊之作, 預示了香港的十年浩劫要待2008年7月才有出路......

杜琪峯由97-99《暗化》、《非常突然》等的黑暗期(指其意景, 而不是劇力)走向《鎗火》的抵死甩身, 到後期被喻為'新保守主義'的《嚦咕嚦咕新年財》及《暗戰2》等, 可見阿杜為了解決因97帶來的鬱結, 嘗試訴諸傳統智慧, 大環境改唔到, 唯有做好自己, 靠團隊等。

到2003年的今天, 阿杜是否發覺傳統智慧已不敷應用, 阿Q精神只是自我麻醉? 要參透香港的困境, 必需'了因', 才能接受'酸果'。因為日本皇軍殺了很多人, 今天李鳳儀要死; 阿翠, 孫果, 雀仔的死, 都是昨日種因, 今天結果。 無論香港人幾努力都無用, 因為我們一方面罪業太重, 另一方面又有些因素在我們掌握以外. 看透因果是很痛苦的, 因為我們更深深的知道自己有多渺小......... 唯望真如杜琪峯所盼望般, 08年有個有智慧的能人帶領香港再上路。