路遙遙

曾經講過, 每次回到家見到母親孤獨一人時, 就知道自己後尾果幾年有報應。 在陌生的城市一個人, 還可以自欺欺人的說是因為在另一個地方。在H埠都咁呢, 就有點折墮。無法, 伴侶忙到火燒後欄咁, 無理由阻佢發達; 家人不在家, 只好煲碟上網勁食同瞓覺。 咁快現眼報, 仲有排捱呀大佬。 -------------------------------- 終於的起心肝, 搞咗個大陸牌, 以後就正一攞正牌嗱喂! 大佬話, 組織追問我想點。我話, 你要俾時間我先 fair gar! 久唔久就走過嚟問我點, 我點知點呢? 好似《野獸刑警》阿拑釘華咁話:「我上得嚟, 點落番去呀?」當然, 心係咁諗, 要拗得掂數先得 gar。家陣風頭火勢, 見面機會都唔多, 你要我一個月內答, 不如叫我抽籤決定啦?! 不如你幫我話事啦?! 入得呢個組織, 就係唔想陪CEO搞咩乜天計劃, 就係想跳出H埠、想試吓酒吧工廠。組織開個盤, 完全below bottom line, 好難傾。 都好 gea, 等我俾 d 心機做 internal campaigning, 把北進想像變成北上現實, 勢要移動邊界。新亞書院除了俾咗我三年的宿位外, 也教會我"路遙遙, 無止境", 我頂! -------------------------------- 有次出 field, YH 買了兩餅卡式帶, 其中一餅是伍伯的。 對於經常穿州過省, 但不是搭飛機而是坐火車、長途巴士的人, 伍伯及許魏的歌是最合適的。許魏的"執著"、"藍蓮花"、"故鄉", 唱出外闖人的淡淡鄉愁及後悔; 伍伯的"愛你一萬年"、"痛哭的人"、"白鴿"唱出孤獨旅人對遠方的思念: 纵然带着永远的伤口 至少我还拥有自由 ~《白鴿》, 伍伯