單車自由行

想不到加入綠豆後, 令我重新駕起自行車。 這裏的義工, 大多是身懷絕技。不是開船教滑水, 就係訓練警察落遊繩。其中有幾位單車發燒友, 閒時喜歡玩 Mountain Bike, 由大帽山踩落元朗, 每人的座駕都一兩皮以上, 令人詐舌。 有一次和其中一位義工吹水時才知道, 他每天都是踏單車上班落班。他家住九龍塘, 有錢人一名, 每天就從屋企出發, 經彌敦道到尖沙咀, 搭天星過海, 再由中環踩至上環。我初時聽覺得不可思議, 但他說其實踩馬路唔太難, 同埋只要駕車摺得, 其實可以上大部份的交通工具。佢仲話, 踩單車又係做運動, 又環保, 係市區其實同巴士差不多快, 值得推廣。 後來我因緣陣會, 又俾我班到駕foldable bike番來, 雖然唔係 pro, 但都夠踩啦。加上女友搬左去中環番工, 經上有機會在上環中環來回, 於是便開始了我在香港鬧市踩單車的歲月。開始時都有 d 驚, 但踩慣左, 發覺只要夠淡定, 守足交通規則其實是很容易的。加上中西區其實經常塞車, 我踩單車來回不單省了'叮叮'車費, 更加是快過搭車。 今天我更參加了一批單車友搞的活動。他們希望效法外國 Critical Mass 運動的經驗, 透過有組織的在城市市中心踩單車, 推廣單車代汽車的理念之餘, 亦有從汽車中重奪馬路駛用權的用意。事實上, 在法例下單車是車輛的一種, 有權和其它汽車一樣駛用道路, 並需遵守交通規則。今天我們一行約十人, 從尖咀碼頭出發, 先走一段車少的路往Olympic, 跟手就沿旺角度出彌敦道, 再由山東街入旺角洗衣家, 在太子地鐵站解散。沿途有友善的市民打招呼, 有也惡言相向的職業司機, 也有其它路上的單車友向我們打聽, 有意將來參加。 他們打算每個月最後一個星期日早上都會在香港搞 critical mass, 有興趣者, 整番部單車, 裝扮好個型象, 下次一起推廣單車代汽車的信息。 ^__^