寒喧

上星期參加舊同學L君個婚宴, 除咗欣賞了主人家相當富娛樂性的表演外, 還跟一眾舊友碰頭。 剛放洋歸來的R小姐啦, 投身國有銀企的M先生啦, 在大學輾轉多年的C先生啦, 眉宇間有股正氣的紀律部隊O先生啦, 還有成日見面的E先生等......... 大家雖然難以暢談, 但能寒喧一晚也算難得囉。 L君當晚做了很多表演, 說了很多關於愛的大道理.......... 記憶不大深; 離開時L君媽媽竟然能起我全朶, 我心想這個女高音果然有兩下子。 ------------------------- 婚宴搞得好, 確實唔容易。又要令雙方家長滿意啦, 又要兩位主角開心啦, 還要照顧一大籮親朋戚友兄弟姐妹...... 作為一個參加者, 我覺得好的婚禮必須要格守「你好我好」的原則。作為主人家, 大家來婚宴是來賀你, 所以播些相片呀、Video呀, 甚至說幾句呀、唱首歌無所謂, 正所謂都預咗; 但阻住人地食乳豬、反複的討論自己對愛/婚姻的看法, 唱歌唱到侍應笑到碌地、大肆傳播自己宗教者, 則有挑戰社會規範的嫌疑。幸好, 最近幾位同事都搞得相當唔錯, 大家都玩得很開心。 ------------------------- 年紀去到家吓, 總有人寒喧時問我幾時結婚, 每當想起婚宴上主角倆的種種儀式, 我頭都大埋。阿E話我咁鍾意批評婚宴, 好想睇我點死......... 條條大路通羅馬, 況且, 是否一定要去羅馬都未知啦。