軀殼

大強最兩日講 burn-out, 心痛。 心痛一來是因為當大強這樣說的時候, 一定有其原因。我入職時曾暗許要學大強的工作方式, 不要把自己扯得太盡........ 看來大強也走上燃燒自己的道路了。 其實除了同事, 身邊不少做奀豬O的朋友都有不同情度 burn out的情況。當然, 有如大強所說, 這既有個人心理原因, 也有機構/制度性的原因。我加入了綠豆後, 自己搞青年社團的火很快就被燃燒怠盡。我懷疑每個人的同理心/同情心/偉大-ness都有個定量, 當你工作好很'偉大'時, 個人生活就必需很墮落; 當你工作初期好很'偉大'時, 工作中期便會謝皮。我自己偉大感有限, 時時刻刻都想靠錢來補救缺憾。 我自己做奀豬O, 都會有無乜癮的時候。原因有三。一, 激烈殺戮砍拼過後, 淚氣積聚, 罪孽深重; 二, 迷失方向, 唔知自己想做乜 ; 三, 人事問題, 有人就有江湖, 從第一天接觸奀豬O開始, 最傷人的就是人本身。 第一第二點, 可以透過修行、溝通及離開來解決, 第三樣睇彩數。 ------------------------- 最近有位世伯過身, 意外。人一世物一世, 我發覺自己都睇得好化。在北京收到消息時, 心想, 這就是生老病死。 身邊有不少人, 好像不能自己會變老、會生病、會死去。佛陀教我們, 得閒無事做, 可以幻想自己或最親的人呀、寵物呀、小植物老去, 死去, 屍體敗壞, 變臭, 流出腐水, 餵養屍蟲細菌............... 然後變成菜苗、稻米, , 變成飛鳥、游魚。其實諗諗吓, 咪又係咁。 無常, 也是常。霑叔話, 知否世事常變? 變幻原是永恆。