是是非非

(相中人只是人地表弟, 見其生得乖巧玲瓏, 借來肉照一用) 我有一個堂弟, 他心思敏捷卻坐唔定性, 他極端怕死但又駁咀駁舌。上週末, 由於他英文學得唔好, 被'送到'我家住了兩日, 在吾母管教下溫習惡補。 朝早爬起身跟他飲茶時, 問佢點解成日同老師作對。佢話老師針對佢, 佢所以上堂特意唔聽書, 在校長面前投訴老師, 希望能趕走老師。我從他的眼神聲線中知道, 他對這件事很認真。我不知他從哪裏得到這種想法, 也許他也錯不了, 但我預感他這樣走下去, 必定會被教育體制壓扁。 他很喜歡交通工具、城市設計, 我跟他說, 你忍一時之氣, 讀書過到關就可以入大學唸工程、唸城市規劃, 他反問「讀得好就有得讀大學呀?我想開巴士多d。」我望著他爬鋼架時一步一驚心, 確實想罵他跟社會鬥, 你以為自己會有好下場? 晚上回家阿媽跟我說話今晚無湯飲, 因為堂弟覺得阿媽靚湯太好味, 飲埋我那份。心中一笑, 祝願他未來十年不要被學校壓得太扁。 --------------------- 我記得小時週日總會去外婆家玩, 小朋友玩兵捉賊, 大朋友攻四方城。晚上乘車回家時, 父母或多或小會談到親戚的是非、在麻雀枱上的表現。有次我插口問阿邊個係咪好衰, 父母'罵'我細路仔不要搭咀。 從此, 我知道成人世界中的人際關係跟是是非非是很難捉摸, 它就是小朋友與大人間的鴻溝, 它也讓我感到恐懼。 受是非困擾的人們, 也祝願各位有大智大勇, 體解大道。